Дадайце трохі кавы ў пральную машыну і гэта дапаможа захаваць колер. Якім чынам?
Многія людзі не могуць уявіць сабе раніцу без кубка моцнай чорнай кавы. Але аказваецца, яна дапаможа і пры мыцці.
11.09.2022 / 18:07
Фота: Maksym Kozlenko/wikimedia.org
Бывае, што чорнае адзенне губляе свой колер пасля некалькіх пранняў незалежна ад абранага рэжыму. Але гэта можна выправіць з дапамогай кавы!
Рэцэптам падзялілася маці траіх дзяцей Ганна:
«Цёмная вопратка хутка губляе колер. Павышаныя тэмпературы, працяглыя праграмы мыцця, ультрафіялетавае выпраменьванне і некаторыя хімічныя рэчывы ў парашках робяць так, што пігмент вымываецца з адзення.
Як з гэтым змагацца? Проста дадайце два кубкі свежай кавы ў барабан пральнай машыны на цыкл паласкання».
Гэта дапаможа цёмнай вопратцы заставацца цёмнай. Да таго ж, жанчына кажа, што адзенне не будзе пахнуць кавай. Калі вы хочаце праверыць рэцэпт — пакладзіце ў машыну старую вопратку.
Але памятайце, што гэта працуе толькі для цёмнай вопраткі! На белай вопратцы могуць з'явіцца плямы, якія будзе цяжка выдаліць.