Jak pryhatavać cybulny sirop? Babulin recept ad prastudy
Kali ŭ nas źjaŭlajecca nasmark, kašal i bol u horle, my časta ciahniemsia za tabletkami. Ale varta pasprabavać hety całkam naturalny i tanny recept, jaki moža dapamahčy nie horš.
21.09.2022 / 21:53
Fota: Marco Verch Professional/flickr.com
Čym karysny cybulny sirop i ad čaho moža dapamahčy?
Cybulny sirop palahčaje prastudu i kašal, praduchilaje aniemiju i umacoŭvaje imunnuju sistemu. Taksama jon maje antysieptyčnaje dziejańnie.
Usiaho dvuch-troch stałovych łyžak u dzień dastatkova, kab zabiaśpiečyć siabie dadatkovaj porcyjaj vitaminaŭ (B1, B2, C i A) i mikraelemientaŭ (kalcyj, cynk i fosfar).
Jaho možna prymianiać dla lačeńnia nastupnych stanaŭ:
- ad bolu ŭ horle,
- ad kašlu,
- ad prastudy,
- pry infiekcyjach horła,
- dla ŭmacavańnia imunitetu.
Uvaha: sirop nie varta davać maleńkim dzieciam biez papiaredniaj kansultacyi ź lekaram.
Jak pryhatavać cybulny sirop?
Usio vielmi prosta. Vam spatrebiacca dźvie cybuli i cukar abo miod:
- Vaźmicie dźvie cybuli, drobna narežcie ich i pasypcie cukram. Zamiest cukru možna dadać dźvie čajnyja łyžki miodu;
- Pierakładzicie heta ŭ misku i staranna źmiašajcie ŭsie inhredyjenty;
- Adstaŭcie nakrytuju misku ŭ bok prykładna na piać hadzin.
Cybulny sirop možna zachoŭvać nie bolš za try dni.
Kamu nie varta ŭžyvać cybulny sirop?
Choć jon naturalny i dapamahaje zmahacca z roznymi chvarobami, nie ŭsie mohuć jaho vykarystoŭvać. Ludziam z panižanym kryvianym ciskam abo ludziam z abvastreńniem hastrytu varta spačatku prakansultavacca ź lekaram.
Taksama zašmat cybuli moža pryvieści da razdražnieńnie ślizistaj abałonki straŭnika i abvastreńnia prablemaŭ ź im.