«Adpuścicie hetu situacyju»: žurnalist Pavieł Mažejka prysłaŭ pieršy list z-za krataŭ
Iryna Čarniaŭka apublikavała ŭ svaim fejsbuku fota pieršaha lista svajho muža Paŭła Mažejki, jaki jon prysłaŭ z-za krataŭ
27.09.2022 / 07:59
«Darahija maje! Prośba da ŭsich darosłych: adpuścicie hetuju situacyju, nie nahniatajcie, nie dumajcie pra jaje šmat, inačaj jana źjeść vas znutry. Žyćcio idzie dalej, praciahvajcie jaho tak, kab było što mnie raskazać, kali my sustreniemsia:)» — napisaŭ Pavieł.
«Hetyja słovy mnie dadajuć siłaŭ», — napisała Iryna.
Hrodzienskaha žurnalista i aktyvista Paŭła Mažejku zatrymali 31 žniŭnia, kali jon pryjechaŭ u Hrodna z Polščy. Jon znachodzicca ŭ SIZA.