Rearhanizujecca Kaardynacyjnaja rada, jana budzie składacca sa 115 čałaviek
Pieršaje pasiadžeńnie abnoŭlenaj Kaardynacyjnaj rady pa ŭrehulavańni palityčnaha kryzisu (KR) płanujecca pravieści da 16 śniežnia — paśla ŭklučeńnia novych delehavanych pradstaŭnikoŭ arhanizacyj demakratyčnych sił i hramadzianskaj supolnaści, paviedamiła Narodnaje antykryzisnaje ŭpraŭleńnie.
16.10.2022 / 20:30
Prezidyum Kaardynacyjnaj rady ŭ žniŭni 2020 hoda
Paviedamlajecca, što ŭ vieraśni była stvoranaja pracoŭnaja hrupa, jakaja zaniałasia raspracoŭkaj śpiecyjalnaj pracedury delehavańnia pradstaŭnikoŭ roznych arhanizacyj i inicyjatyŭ demakratyčnaj supolnaści, a taksama svabodna vyłučanych kandydataŭ, u skład Kaardynacyjnaj rady.
Skład KR było vyrašana sfarmavać z 115 čalcoŭ, siarod jakich 25 dziejučych siabraŭ asnoŭnaha składu KR, jakija paćvierdzili svaje paŭnamoctvy, 75 novych delehataŭ ad struktur demsiłaŭ i hramadzianskaj supolnaści, a taksama 15 svabodna vyłučanych kandydataŭ, jakija prajšli praceduru abrańnia.
«Novaja kanfihuracyja demakratyčnych sił Biełarusi praduhledžvaje najaŭnaść i ŭzajemadziejańnie pamiž saboj dvuch asnoŭnych orhanaŭ — Abjadnanaha pierachodnaha kabinieta i Kaardynacyjnaj rady, jakija zaklikanyja vieści skaardynavanuju dziejnaść dla pavyšeńnia efiektyŭnaści ŭsiaho ruchu», — zaznačajecca ŭ relizie arhanizacyi.
Pra budučuju reformu Kaardynacyjnaj rady było abvieščana ŭ žniŭni.