Kampanija Flo likviduje biznes u Biełarusi
19.10.2022 / 11:13
Raspracoŭščyk dadatku dla žanočaha zdaroŭja Flo likviduje biełaruskuju jurydyčnuju asobu. Takaja infarmacyja źjaviłasia na sajcie adzinaha dziaržrehistru. Rašeńnie ab likvidacyi było pryniata ŭ kancy vieraśnia, paviedamlaje devby.io
Pra toje, što Flo sychodzić ź Biełarusi, krynicy paviedamlali jašče viasnoj hetaha hoda. Taksama ŭ pačatku sakavika ŭ TAA «Fło Chiełs Bieł» źmianiŭsia ŭłaśnik: zamiest amierykanskaj kampanii «Fło Chiełs, Ink», jakaja vałodała 100% TA «Fło Chiełs Bieł» sa žniŭnia 2018 hoda, biełaruskaja kampanija stała naležać fizičnaj asobie. U samoj kampanii infarmacyju ab sychodzie ź Biełarusi nie kamientavali.
Na sajcie kampanii daŭno niama zhadak pra ofis u Miensku, taksama niama vakansij dla pracy ŭ Biełarusi. Apošnija niekalki miesiacaŭ Flo aktyŭna pašyraje kamandu ŭ Litvie — za červień-vierasień štat litoŭskaha ofisa vyras u dva razy da 245 čałaviek.