Jakaja mužčynskaja nižniaja bializna samaja zdarovaja, a jakaja słužyć najdaŭžej
Čamu nieabchodnyja ełastyčnyja tkaniny, pieravahi bializny biez švoŭ i što nadzieć u spartzału.
22.10.2022 / 20:29
Vyjava: Vecteezy
Ci časta vam davodziłasia kuplać niazručnuju mužčynskuju bializnu? Jakuju madel vybrać i jakoj tkaninie addać pieravahu?
Baksiory abo bryfy?
Razabracca ŭ kłasifikacyi mužčynskaj bializny nie lahčej, čym u žanočaj, bo vidaŭ jaje isnuje davoli šmat. Naohuł kažučy, nosicie vy siamiejnyja trusy (ich jašče nazyvajuć baksiory) ci baksiory-bryfy — doŭhija, ale ŭ abciažku, karotkija typu płaŭki ci rovarnyja trusy — zaležyć ad asabistych pieravah i taho, što padychodzić dla vašaha cieła.
U kožnaha čałavieka patreby cieła roznyja. Varta ŭličvać toje, jak u kankretnaj bialiźnie pačuvajucca vašy nohi, jak adčuvajecca pojas na talii, a taksama nakolki «svabodnym» ci «abmiežavanym» vy chočacie być. Bializna pavinna adčuvacca jak druhaja skura, jakaja ruchajecca i dychaje razam z vašym ciełam, i vy navat nie zaŭvažajecie, što jaje apranuli.
Vybirajcie sumieś ełastyčnych i naturalnych tkanin
Materyjał bializny budzie vyznačać, nakolki kamfortnaj vy budziecie jaje adčuvać.
Naturalnyja vałokny lepiej prapuskajuć pavietra, u toj čas jak sintetyčnyja tkaniny chutčej sochnuć.
Ekśpierty rekamiendujuć vybirać celułoznyja vałokny, takija, jak bavoŭna, lon, kanopli abo bambuk, z dabaŭkaj sintetyčnaha materyjału. Kab zabiaśpiečyć dobruju pasadku i nadać tkaninie niekatoruju ełastyčnaść, naturalnyja vałokny spałučajuć z ełastanam. Vykarystańnie na 100% naturalnaha vałakna taksama dobry vybar, ale tady vaša nižniaja bializna z časam stracić formu i nie budzie dobra siadzieć.
Ełastan robić mužčynskuju bializnu bolš tryvałaj i ełastyčnaj. I pytańnie nie tolki ŭ noskaści. Z uzrostam ciahlicy i źviazki stanoviacca nie takija spraŭnyja, i jakasnaja bializna moža dapamahčy źnizić ryzyku raściažeńniaŭ ci traŭmaŭ.
Usia sprava ŭ švach
Adčuvańnie zručnaści mocna zaležyć i ad raźmiaščeńnia švoŭ. Treba šukać linii švoŭ, jakija adpaviadajuć naturalnaj erhanomicy i rucham cieła, harantujučy, što tam, dzie švy padviarhajucca nahruzcy, niama punktaŭ napružańnia.
Isnuje mierkavańnie, što adzieńnie ŭvohule biez švoŭ — bolš zručnaje, tamu što ŭ im niama ničoha, što mahło b upivacca ŭ vašaje cieła.
Jašče varta źviarnuć uvahu na jakasnuju humku na talii. Jana nie pavinna pieradušvać cieła, ale pavinna ŭpeŭniena trymać bializnu. Pojas pavinien roŭna siadzieć na stanie.
Što adzieć na treniroŭki
Dla zaniatkaŭ sportam metazhodna šukać nižniuju bializnu, jakaja dychaje, nie naciraje i rehuluje tempieraturu. Varta źviarnuć uvahu na asablivaści, jakija buduć astudžać vas pry pavyšeńni tempieratury skury. Rekamiendujecca lohkaja tkanina ź mikrafibry i padoŭžanyja ŭ nahach madeli, jakija dazvalajuć bialiźnie zastavacca na miescy i źmianšajuć treńnie.
Nižniaja bializna z sumiesiaŭ naturalnych vałoknaŭ idealna pasuje ŭ hetym vypadku. Poŭść merynosaŭ, naprykład, dychaje, termarehuluje, naturalna ŭstojlivaja da pachu i chutka sochnie, zabiaśpiečvajučy praciahły kamfort padčas treniroŭki.