Łukašysty razhramili kvateru pres-sakratarki Pałka Kalinoŭskaha
Režymnyja siłaviki viarnulisia da mietodyki pakazalnaha razhromu žylla znakavych asob antyłukašenkaŭskaha supracivu, jakija sami znachodziacca nie ŭ miežach ichniaj dasiahalnaści. U adnym z praŭładnych kanałaŭ źmieščany rolik, na jakim źniataja razhromlenaja kvatera pres-sakratarki Pałka Kalinoŭskaha Kryściny «Čabor».
05.11.2022 / 09:58
U roliku źniataja kvatera da pieratrusu, a zatym, paśla mantažnaha sklejvańnia, pakazanyja jaho nastupstvy: pałamanaja mebla, raskidanyja rečy, pierakulenyja šafki i inšaje.
Raniej byli razhromlenyja kvatery šerahu palituciekačoŭ ci ich svajakoŭ. Siarod ich — Janina Sazanovič, Vadzim Prakopjeŭ, Andrej Pavuk, Juljana Šamietaviec, Anton Matolka. Byŭ razhromleny taksama dom, dzie raniej žyła siamja Valeryja i Vieraniki Capkałaŭ.