Jašče 20+ kampanij vyjšli z PVT i likvidujuć biznes

Sioleta niekalki viadomych IT-kampanij, eks-rezidentaŭ PVT, pryniali rašeńnie zakryć svoj biznes i syści z Biełarusi. Heta Flo, Wannaby, OneSoil, WorkFusion, Wargaming. Dev.by znajšoŭ jašče 20+ IT-kampanij, jakija vyjšli z PVT i zapuścili praceduru likvidacyi jurydyčnaj asoby. Jość jak biełaruskija startapy, tak i kampanii z zamiežnym kapitałam. 

09.11.2022 / 16:02

EIS Group («Inšurans Salušens»)

«Inšurans Salušens» — padraździaleńnie amierykanskaj EIS Group. Heta adna z asnoŭnych suśvietnych kampanij, što stvarajuć pradukty dla aŭtamatyzacyi biznes-pracesaŭ strachavych kampanij. Płatforma EIS Suite vykarystoŭvajecca strachavymi kampanijami pa ŭsim śviecie.

Štab-kvatera EIS — u San-Francyska, ofisy raspracoŭki jość u tym liku ŭ Kanadzie, Litvie, Łatvii, Ukrainie, Biełarusi. Hłabalny štat naličvaje 1200+ čałaviek, u Minsku pracavała kala 250 čałaviek.

Letaś u lipieni EIS pryciahnuła bolš za 100 miljonaŭ dołaraŭ ad mižnarodnaha inviestfondu TPG. Kampanija zajaŭlała, što častka inviestycyj pojdzie na raźvićcio minskaha ofisa — jaho płanavali pašyryć na 30 %.

Sioleta EIS prykładna na 30 % pavialičyła štat litoŭskaha ofisa.

Litoŭskaje padraździaleńnie EIS trapiła ŭ top-50 kampanij siektara «infarmacyja i suviaź» pa vypłačanych padatkach — 1,7 miljona jeŭra za try kvartały. 

Vochi

Vochi — AI-redaktar, jaki ŭmieje raspaznavać abjekty na videa/fota i nakładać efiekty. Startap byŭ zasnavany ŭ 2019 hodzie Iljoj Lesunom, Hannaj Buhłakovaj, Vasilom Kaśnickim, Siarhiejem Malucinym. Heta partfielny prajekt inviestycyjnaj kampanii Bulba Ventures Juryja Mielnička i Andreja Aŭsijeviča.

Za dva hady ad momantu zasnavańnia Vochi pryciahnuŭ kala 4 miljonaŭ dalaraŭ. Siarod inviestaraŭ — Angelsdeck, A.Partners, TA Ventures, Kolos VC, Startup Wise Guys, Flyer One Ventures, a taksama top-mieniedžary biełaruskaha Verv i estonskaha Bolt. 

Pry kancy minułaha hoda Vochi kupiła amierykanskaja Pinterest. Sumu ŭhody baki nie raskryli. Ekśpierty, apytanyja dev.by, kazali pra sumy ad 15 da 100 młn dołaraŭ.

Sioleta ŭ červieni Pinterest abviaściła pra adkryćcio ofisa ŭ Varšavie. Jadrom varšaŭskaha ofisa płanavali zrabić kamandu Vochi. 

Appodeal

Appodeal Inc — servis dla aptymizacyi dachodaŭ ad mabilnaj rekłamy, aryjentavany na raspracoŭščykaŭ mabilnych prahram. Jaho zapuściŭ u 2014 hodzie rasijski biznesoviec Pavieł Hołubieŭ spačatku jak unutrany servis (dapamahaŭ manietyzavać prahramy) dla kampanii-vydaŭca hulniaŭ Alfa Production, zatym jak asobny prajekt.

U 2018 hodzie kampanija adkryła ofis raspracoŭki ŭ Minsku. Tut pracavała 50+ čałaviek. Uvosień 2020 hoda Pavieł Hołubieŭ zajaviŭ pra płany adkryć ofis pa-za miežami Biełarusi i rełakavać supracoŭnikaŭ ź Minska. Na toj momant hadavaja vyručka kampanii pieravyšała 100 miljonaŭ dołaraŭ. Ciapier na sajcie kampanii paznačanyja kantakty ofisaŭ u troch łakacyjach — u Ościnie, Barsiełonie i Varšavie.

Credentially («Doktar Fokusd»)

Credentially — heta brytanska-biełaruski startap u śfiery HR dla achovy zdaroŭja. Pradukt spraščaje pošuk, najmańnie i anbordzinh miedpiersanału. Prajekt zasnavali prahramist Arciom Staŭpoŭski i doktar chutkaj dapamohi Kit Łejzam.

U śniežni 2018-ha jurydyčnaja asoba ŭ Biełarusi «Doktar Fokusd» stała rezidentam PVT. Praz hod, u śniežni 2019-ha, Credentially atrymaŭ amal 2 miljony dołaraŭ pasiaŭnych inviestycyj.

Rampiq

Rampiq — mižnarodnaje digital-ahienctva z ofisami ŭ ZŠA, na Kipry, u Rasii. Kampanija pracuje na kankurentnych rynkach i dapamahaje klijentam z roznych śfier (SAAS, IT outsourcing, Ecommerce, AI/ML, CRM consulting, etc) atrymlivać bolš prybytku ad układańniaŭ u internet-markietynh.

U Biełarusi byŭ adkryty centr raspracoŭki — «Ramp AjKju». Kampanija zajmałasia prasoŭvańniem u internecie (stratehičnaje płanavańnie, SEO, kantentny markietynh, kanteksnaja rekłama, veb-analityka).

«Biełkryptastok»

«Biełkryptastok» była stvoranaja ŭ 2017 hodzie. Zajmałasia raspracoŭkaj prahramnych kampanientaŭ dla handlu aktyvami, prahramnych rašeńniaŭ dla kryptavalutnaha pracesinhu (apracoŭki płaciažoŭ u kryptavalutach), prahramnych rašeńniaŭ dla handlu krypta— i fijatnymi valutami. Taksama kampanija raspracoŭvała płatformu dla kryptabiržaŭ.

 Cognitive Apps

Biełaruski startap «Kohnityŭ Aps» raspracavaŭ prahramu, jakaja moža dyjahnastavać psichičnaje rasstrojstva i dać parady pa lačeńni. U 2020 hodzie startap pryciahnuŭ 100 tysiač dołaraŭ pry acency ŭ 1 miljon dołaraŭ. 

CloudCall Group 

Kampanija «KłaŭdKoł BiUaj» śpiecyjalizavałasia na stvareńni prahramnaha zabieśpiačeńnia ŭ halinie inavacyjnaj vobłačnaj słužby suviazi. Raspracoŭvała i padtrymlivała prahramny pradukt kłasa CTI (Computer Telephony Integration), jaki dazvalaje intehravać sistemy telefanii z CRM-sistemami. Hłabalny štat — 200 čałaviek, u Biełarusi pracavała kala 30 čałaviek. 

Kreosoft

«KreaSoft» zajmałasia raspracoŭkaj prahramnaha zabieśpiačeńnia dla aŭtamatyzacyi i aptymizacyi ŭsich pracesaŭ budaŭničaha prajektavańnia. Taksama stvarała vobłačnyja rašeńni z vykarystańniem veb-technałohij, 3D hrafiki, mašynnaha navučańnia, štučnaha intelektu dla klijentaŭ ź Vialikabrytanii i ZŠA.

WebSpace («Libiertajm») 

«Libiertajm» raspracoŭvała karystalnickaje prahramnaje zabieśpiačeńnie, veb-, mabilnyja i desktopnyja prahramy. Ofisy kampanii raźmieščanyja ŭ San-Francyska, Ńju-Jorku, Łondanie. Taksama na sajcie kampanii pa-raniejšamu jość kantaktnaja infarmacyja pra minski ofis. 

Neural Vision 

«Niurał Vižn» była zasnavanaja ŭ 2020 hodzie. Śpiecyjalizujecca na mašynnym navučańni ŭ halinach techničnaha zroku i analizu danych. Ciapier raźvivaje rašeńni, źviazanyja z kantrolem jakaści vypuščanaj pradukcyi. Miarkujučy ź infarmacyi na sajcie, kampanija zarehistravanaja ŭ Polščy.

Smart Satu («SmartSatuŁab»)

«SmartSatuŁab» była centram raspracoŭki kazachskaha startapa, jaki stvaryŭ płatformu dla b2b-prodažaŭ. Płatforma dazvalaje rabić pakupki praź internet, taksama daje mahčymaść kramam, restaranam adpraŭlać pramyja zakazy pastaŭščykam, dystrybjutaram, vytvorcam. U Biełarusi pracavała nievialikaja kamanda — 10+ čałaviek. 

STAARTER («Staarter Łabs»)

«Staarter Łabs» była stvoranaja ŭ 2019 hodzie. Asnoŭny napramak biznesu — raspracoŭka zakaznoha prahramnaha zabieśpiačeńnia (veb— i mabilnyja prahramy), prajektavańnie karystalnickaha ŭzajemadziejańnia (UX Design) i dyzajn interfiejsaŭ (UI Design) dla klijentaŭ sa śfier: HoReCa, turyzm, śfiera kamunikacyj i markietynh.

U pryvatnaści, kamanda stvarała prahramu na asnovie hieałakacyi, jakaja dazvalaje znajomicca i kamunikavać. 

Fairmarkit («Fejrmarkit»)

«Fejrmarkit» była centram raspracoŭki amierykanskaj karparacyi Fairmarkitinc (hałaŭny ofis u Bostanie). Raspracoŭvała SAAS-płatformu fairmarkit.com dla adździełaŭ zakupak bujnych karparacyj.

Frontbyte

«Frantbajt» — daččynaja kampanija narviežskaj karparacyi Frontbyte AS.

Minski ofis zapracavaŭ u 2017 hodzie. Kampanija raspracoŭvała prahramy dla sportu i zdarovaha ładu žyćcia. Fłahmanski prajekt — BirdieEyes — staŭ aficyjnaj prahramaj narviežskaj fiederacyi holfa. Heta płatforma, jakaja abjadnoŭvaje hulcoŭ i holf-kłuby.

Exto Digital

«Eksta Dzidžytał» raspracoŭvała soft dla elektronnaj kamiercyi na bazie płatformy Shopify z vykarystańniem technałohij štučnaha intelektu.

Exto.io («EKSTA JEKOMIERS»)

«EKSTA JEKOMIERS» — biełaruskaja kampanija, zasnavanaja ŭ 2017 hodzie. Raspracoŭvała prahramy dla papularnych B2C i B2B płatformaŭ elektronnaj kamiercyi (Shopify, Oro Commerce, Magento), u tym liku tych, jakija bazujucca na technałohijach Machine Learning i Blockchain.

AppXite («EpKsajt»)

«EpKsajt» — ofis łatvijskaj kampanii AppXite, jakaja zajmajecca raspracoŭkaj vobłačnych servisaŭ. AppXite naležyć Atea — bujnomu pastaŭščyku rašeńniaŭ dla IT-infrastruktury ŭ skandynaŭskim i bałtyjskim rehijonach. Atea prysutničaje ŭ 80+ haradach Narviehii, Šviecyi, Danii, Finlandyi, Litvy, Łatvii i Estonii. Hadavy abarot — kala 4 miljardaŭ jeŭra. 

Social Discovery Ventures («EsDziVi Soft»)

«EsDziVi Soft» — minski ofis mižnarodnaha internet-chołdynha z rasijskimi karaniami, zasnavanaha ŭ 1991 hodzie. Kampanija zajmałasia raspracoŭkaj prahramnaha zabieśpiačeńnia ŭ halinie kamunikacyj i znosin ludziej u internecie. 

Chto jašče

TutorOnline

Filijał rasijskaj anłajn-škoły.

«Rokiet Softvier»

Kampanija zajmałasia raspracoŭkaj prahramnaha zabieśpiačeńnia na zakaz. 

«Jeŭrus Tech»

«Jeŭrus Tech» — prajekt z Kremnijevaj daliny. Kampanija raspracoŭvała prahramnaje zabieśpiačeńnie dla śfiery kredytavańnia.

«Modern Soft Er end Dzi»