Maksima Znaka adpravili ŭ pamiaškańnie kamiernaha typu
Pra toje, što palitźniavolenaha advakata Maksima Znaka źmiaścili ŭ pamiaškańnie kamiernaha typu, stała viadoma siońnia, paviedamlaje telehram-kanał «Prava na abaronu». Raniej Znaka trojčy źmiaščali ŭ ŠIZA.
02.12.2022 / 16:50
Źmiaščeńnie ŭ PKT — samaja surovaja miera spahnańnia ŭ kałonii. Asudžanyja, pieraviedzienyja ŭ PKT, majuć prava tracić u miesiac tolki 32 rubli, atrymlivać 1 banderol na paŭhoda i vychodzić na prahułku na 30 chvilin.
Raspravu nad Znakam možna razhladać jak praciah cisku na pradstaŭnikoŭ kamandy Babaryki. U papiarednija dni stała viadoma, što Maryja Kaleśnikava z ŠIZA trapiła ŭ reanimacyju, a Viktara Babaryku pieraviali vypalvać draŭniany vuhal, z-za čaho jon pavinien znachodzicca na chałodnym dvary ŭ maroz 9 hadzin 6 dzion na tydzień.