U minskim Rakaŭskim pradmieści adkryjuć navahodni kirmaš z Čaburaškam i «Jerałašam»
U Rakaŭskim pradmieści adkryjuć navahodni kirmaš. Jahonymi hierojami stanuć Čaburaška i teležurnał «Jerałaš», bo ich aŭtar, mastak-multyplikatar Leanid Švarcman, naradziŭsia i žyŭ akurat u hetym rajonie Minska. Švarcman pamior u hetym hodzie na 102-m hodzie žyćcia.
06.12.2022 / 19:41
Kirmaš źbirajucca adkryć 20 śniežnia; u budnyja dni jon budzie pracavać z 14:00 da 23:00, u vychadnyja — z 12:00 da 23:00.
Štodzień z 18:00 da 19:00 na płoščy buduć prachodzić teatralizavanyja pradstaŭleńni z konkursami, karaokie i pryzami ad Dzieda Maroza i Śniahurki.
Z zabaŭ abiacajuć teatralizavanyja pakazy z multyplikacyjnymi hierojami, vystavu-kirmaš z navahodnimi tavarami. A viečaram na fasadach budynkaŭ buduć tranślavać «Jerałaš».