Лукашэнка прызначыў камандуючага Вайскова-паветранымі сіламі і войскамі супрацьпаветранай абароны
Андрэй Лук'яновіч прызначаны камандуючым Вайскова-паветранымі сіламі і войскамі супрацьпаветранай абароны Узброеных Сіл Рэспублікі Беларусь. Раней ён займаў пасаду намесніка камандуючага ВПС і войскамі СПА — начальніка авіяцыі.
13.12.2022 / 14:42
Скрыншот СТБ
Лукашэнка адзначыў, што напярэдадні абмеркаваў з ім усе нюансы яго будучай дзейнасці на новай пасадзе. У прысутнасці цяпер ужо новых міністра замежных спраў і камандуючага ён падпісаў указы аб іх прызначэнні.
Андрэй Лук'яновіч адказаў па-вайсковаму: «Служу Рэспубліцы Беларусь, таварыш галоўнакамандуючы!»
«Таксама няпростая сітуацыя (у сферы адказнасці камандуючага)», — адзначыў Аляксандр Лукашэнка.