У Мінску закрываюць арт-прастору Hide
У Мінску закрываюць арт-прастору Hide. Каманда пляцоўкі паведаміла пра гэта ў сацсетках, але прычыну такога рашэння не ўдакладніла.
27.12.2022 / 17:04
Фота: hideminsk.club
«Сябры, мы закрываемся. Апошняя паці 07.01. Анонс і лайн-апы пазней. Бясконца любім вас», — напісала каманда пляцоўкі.
Арт-прастора Hide знаходзілася на Кастрычніцкай вуліцы. Там ладзіліся нефармальныя вечарыны і канцэрты.
Восенню ў Hide ўрываліся сілавікі, якія затрымалі аднаго з наведвальнікаў.