Zatrymali ekskursavodaŭ Alesia Varykiša i Ivana Sacukieviča
Zatrymańnie adbyłosia ŭ Kapylskim rajonie, kudy jany vieźli ekskursiju dla ŭdziełu ŭ abradzie «Kapylskija cary», paviedamlaje radyjo «Svaboda».
13.01.2023 / 20:52
Aleś Varykiš
Spačatku siłaviki zatrymali ŭsiu vialikuju ekskursiju — da 80 čałaviek — z hidami Alesiem Varykišam, Natallaj Ždanok i Ivanam Sacukievičam.
Va ŭsich zatrymanych pravieryli dakumienty i telefony. Bolšaść ludziej, akramia ekskursavodaŭ, adpuścili. Paźniej stała viadoma, što Varykiša i Sacukieviča zatrymali na 72 hadziny.
Ivan Sacukievič
«Kaladnyja cary» — tradycyjny navahodni abrad u vioscy Siemiežava Kapylskaha rajona Minskaj vobłaści. Śviatkujecca ŭ Ščodry viečar — z 13 na 14 studzienia. U 2009 hodzie ŭklučany ŭ śpis niemateryjalnych kulturnych kaštoŭnaściej JUNIESKA.