Aryna Sabalenka zhulaje ŭ finale Australian Open. Što było čuvać pra jaje apošnim časam?
Zaŭtra, 28 studzienia, tenisistka Aryna Sabalenka zhulaje ŭ finale Australian Open — pieršy dla jaje finał takoha maštabu. Raskazvajem, jak prajšoŭ minuły hod dla pieršaj rakietki Biełarusi.
27.01.2023 / 17:13
Fota: AP Photo / Kelly Barnes
«Vielmi rasčaravanaja tym, što sport niejak źviazany z palitykaj»
Vyjhrany na šlachu da tytułu paŭfinał Australian Open — užo dziasiaty pieramožny matč Sabalenki ŭ 2023 hodzie. Šlach da finału turniru byŭ u Aryny prostym: u kožnaj hulni jana była vidavočnym favarytam i nie addała supiernicam ni adnaho setu. U finale, adnak, karcina moža być inšaj, bo supiernica Sabalenki Alena Rybakina — bolš daśviedčanaja spartsmienka, jakaja vyjhrała Uimbłdan-2022.
U hetym hodzie praz spartovyja sankcyi za saŭdzieł u vajnie va Ukrainie biełaruskija tenisisty ŭdzielničajuć u AO u niejtralnym statusie, to-bok biez nazvy krainy i dziaržaŭnaha ściaha.
Takim čynam, kali Sabalenka vyjhraje subotni finał, jana stanie pieršaj čempijonkaj turniru Vialikaha šlema ŭ niejtralnym statusie.
Užo viadoma, što pa vynikach turniru biełaruska stanie druhoj rakietkaj śvietu, a taksama što jana harantavana zarobić za Australian Open 1,15 miljona dalaraŭ (u vypadku pieramohi hetaja suma pavialičycca da 2,11 miljona dalaraŭ). Ale šlach da 2 miljonaŭ budzie niaprosty, i heta paćviardžaje sama Aryna: «Što tyčycca Aleny Rybakinaj, to budzie vielmi składana. Jana ŭžo vyjhrała adzin finał u turniry «Vialikaha šlema». Dumaju, nas čakaje ŭ subotu cikavy matč».
U minuły hod Aryna, jak i inšyja biełaruskija tenisisty, trapiła pad spartovyja sankcyi. Heta vyraziłasia nie tolki ŭ niejtralnym statusie spartsmienki, jak na AO, ale i ŭ poŭnym adchileńni biełaruskich i ruskich hulcoŭ ad niekatorych turniraŭ — tych, što pravodziacca ŭ Brytanii. Praz heta brytanskaja tenisnaja asacyjacyja była aštrafavanaja, a mižnarodnyja tenisnyja abjadnańni ATR i WTA pazbavili Uimbłdan mahčymaści razyhryvać rejtynhavyja ački.
U 2022 hodzie Sabalenka nie vyjhrała turniry, ale ŭtrymałasia ŭ top-10 tenisistak śvietu. Sam siezon jana apisała jak nieprosty: «U mianie dakładna byŭ vielmi, vielmi ciažki siezon. Ale ŭ toj ža čas ja vielmi jaho šanuju, bo jon pakazaŭ mnie, što navat kali niešta nie atrymlivajecca, ja mahu zmahacca, niahledziačy ni na što. Jon prosta pakazaŭ mnie, nakolki ja dobraja jak vajar».
Padpisantka praŭładnaha lista spartoŭcaŭ, Aryna redka kamientuje spartovy ban. Ale niadaŭna jana vykazała niezadavalnieńnie tym, što ŭ sportu nie atrymlivajecca zastacca pa-za palitykaj: «Ja vielmi rasčaravanaja tym, što sport niejak źviazany z palitykaj. My prosta spartsmieny, jakija zajmajucca svaim vidam sportu. Voś i ŭsio. My nie zajmajemsia palitykaj. Kali b my ŭsie mahli što-niebudź zrabić, my b heta zrabili, ale my nie kantralujem hetuju situacyju. Nam zabaranili ŭdzielničać va Uimbłdonie, i što heta źmianiła? Ničoha, ale jany praciahvajuć heta rabić, i heta sumna».
Sama spartsmienka ŭ 2020-m udzielničała ŭ zapisie navahodniaha zvarotu ad Alaksandra Łukašenki.
«Prybrali ściahi? Kali ŭsim ad hetaha stała lahčej, to dobra»
Sabalenka pačała 2023-ci ź pieramohi ŭ Aŭstralii — uziała tytuł turniru ŭ Adełaidzie. Tady ž jana pryznavałasia, što stała inšym hulcom, trochi razumniejšym i spakajniejšym na korcie, a rasijskaja tenisistka Kaciaryna Makarava raschvalvała Arynu: «My šmat ź joj treniravalisia. Ja jašče tady skazała, što ź jaje atrymajecca kruty hulec. Kali zmoža ŭtrymać cieła i nie budzie atrymlivać traŭmy. Jana prybaŭlaje z kožnym hodam, tamu nie ździŭlusia, kali ŭ 2023 hodzie jana vyjhraje adzin z turniraŭ «Vialikaha šlema».
A potym pačaŭsia Australian Open, i Sabalenka pačała traplać u navinavuju stužku jašče i praz ułasnyja vykazvańni, a nie tolki praź pieramohi. Padpisantka praŭładnaha lista biełaruskich spartoŭcaŭ, Aryna ŭstrymlivajecca ad taho, kab prama vykazvać svajo staŭleńnie da padziej u Biełarusi ci vajny va Ukrainie. Jana sychodzić ad adkazaŭ navat tady, kali čuje pramyja pytańni pra heta, što i zdaryłasia niekalki razoŭ padčas AO.
Naprykład, datyčna zabarony biełaruskich i rasijskich dziaržaŭnych ściahoŭ Aryna vykazałasia davoli abyjakava: «Ja ŭžo kazała, što tenis i ŭvohule sport nijak nie źviazanyja z palitykaj. Ale kali ŭsim ad hetaha stała lahčej, dyk dobra. Ja tut ničoha zrabić nie mahu. Što ja mahu skazać? Jany tak vyrašyli — značyć, niama ściahoŭ. Dobra».
A trochi paźniej biełaruska pryznałasia, što palityčnyja dyskusii, źviazanyja ŭ tym liku i z vajnoj, upłyvajuć i na jaje, ale ž Aryna nie ličyć siabie ŭ čymści vinavataj: «Ja razumieju, što heta nie maja vina. Ja ničoha nie kantraluju. Kali b ja mahła niešta zrabić, kaniešnie, zrabiła b, ale ja nie mahu ničoha zrabić. Razumieńnie hetaha dapamahaje mnie zastavacca mocnaj».