Ва Украіне ствараюцца першыя ў свеце роты аператараў ударных беспілотнікаў
Навігацыя будзе ажыццяўляцца пры дапамозе сістэм «Starlink» Ілана Маска.
28.01.2023 / 09:37
Фота: Генеральны Штаб УСУ
Ва ўкраінскай арміі пры дапамозе праграмы «Армія дронаў» фармуюцца першыя ў свеце ўдарныя роты БПЛА. Пра гэта 27 студзеня ў сваім фэйсбуку паведаміў Генеральны Штаб УСУ.
Згодна з распараджэннем Галоўнакамандуючага УСУ генерала Валерыя Залужнага, для рэалізацыі праекта створаны Каардынацыйны штаб з ключавымі міністэрствамі і службамі.
«Гэта неабходна для ўвасаблення шэрагу ключавых рэформаў і маштабавання вытворчасці БПЛА з мэтай забяспечыць імі ўкраінскую армію», — падкрэсліваюць у Генштабе УСУ.
Адзначаецца, што ўжо адабраны самыя прафесійныя вайскоўцы, якія ўзначаляць гэтыя ўдарныя роты. Кожная з іх атрымае беспілотнікі і боепрыпасы да іх, а таксама сістэмы Starlink і іншае неабходнае абсталяванне для знішчэння ворага.