Byłoha pasła Uładzimira Astapienku zavočna asudzili na 5 hod kałonii, a paśla amnistavali
Uładzimir Astapienka — były pasoł Biełarusi ŭ Arhiencinie, paśla ŭdzielnik Nacyjanalnaha antykryzisnaha ŭpraŭleńnia i kiraŭnik misii Abjadnanaha pierachodnaha kabinieta ŭ Brusieli. Jaho taksama paśpieli asudzić zavočna.
18.02.2023 / 22:10
Fota: Ofis Cichanoŭskaj
Sud Savieckaha rajona Minska pryznaŭ Uładzimira Astapienku vinavatym pa č. 1 art. 14 i č. 3 art. 210 Kryminalnaha kodeksa (namier zavałodańnia majomaściu ŭ bujnym pamiery słužbovaj asobaj). Jamu dali 5 hadoŭ pazbaŭleńnia voli zavočna i štraf u pamiery 500 bazavych vieličyń (18500 rubloŭ), a taksama pazbavili prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ, na termin 5 hadoŭ.
Ale dziŭnaje inšaje. Byłoha pasła amnistavali «ŭ suviazi z Dniom narodnaha adzinstva» — na adzin hod.
Pad aryštam zastałasia majomaść Astapienki — ziamielny nadzieł i sadovy dom — u košt štrafu.