Der Spiegel: Kitaj viadzie pieramovy z Rasijaj adnosna pastavak dronaŭ-kamikadze
Niamieckaje vydańnie Der Spiegel piša, što Piekin i Maskva nibyta viaduć pieramovy ab zakupcy apošniaj sta ŭdarnych bieśpiłotnikaŭ, jakija mohuć być dastaŭlenyja ŭ Rasiju ŭžo ŭ krasaviku.
24.02.2023 / 00:04
Kitajski lidar Si Czińpin i prezident Rasii Uładzimir Pucin. Fota: Alexandr Demyanchuk, Pool Sputnik Kremlin, AP
Pavodle atrymanaj Spiegel infarmacyi, rasijskija vajskoŭcy nibyta viaduć pieramovy z kitajskim vytvorcam bieśpiłotnikaŭ Xi'an Bingo Intelligent Aviation Technology.
Paviedamlajecca, što kampanija pahadziłasia vyrabić i vyprabavać 100 pratatypaŭ bieśpiłotnikaŭ ZT-180 pierad pastaŭkaj ich Ministerstvu abarony Rasii da krasavika 2023 hoda. Vajskovyja ekśpierty ličać, što ZT-180 zdolnyja nieści bojehałoŭku vahoj ad 35 da 50 kiłahramaŭ.
Raniej dziaržsakratar ZŠA Entani Blinkien zajaviŭ, što ZŠA «zaniepakojenyja» tym, što Kitaj razhladaje mahčymaść pastavak zbroi Rasii. Dypłamat dadaŭ, što Piekin papiaredžany ab «surjoznych nastupstvach» u vypadku takoha rašeńnia.
Sam Kitaj admaŭlaje toje, što razhladaje pytańnie pieradačy Rasii śmiertanosnaj zbroi. U kitajskim MZS krainy NATA abvinavacili ŭ paklopie, a taksama nazvali Paŭnočnaatłantyčny aljans i ZŠA «najbujniejšaj krynicaj zbroi na poli boju va Ukrainie».