Cviatar Dźmitryj Baryła pamior u 48 hadoŭ
28 lutaha na 49-m hodzie žyćcia i 24-m hodzie śviatarskaha słužeńnia pamior ksiondz kanonik Dźmitryj Baryła, probašč parafii Maci Božaj Ružancovaj i śviatoha Daminika ŭ miastečku Rakaŭ i dekan Vałožynskaha dekanata, paviedamlaje catholic.by.
28.02.2023 / 10:41
Dźmitryj Baryła. Fota catholic.by
Infarmacyja pra pachavańnie budzie padadzienaja paźniej.
Naradziŭsia Dźmitryj 23 kastryčnika 1974 hoda ŭ Hłybokim, vychoŭvaŭsia ŭ katalickaj siamji, dzie było piaciora bratoŭ. Jaho rodny brat — ksiondz kanonik Alaksandr Baryła, probašč parafii Uzvyšeńnia Śviatoha Kryža ŭ Vilejcy, dekan Vilejski.
Ksiondz Dźmitryj Baryła praktyčna ŭsio svajo śviatarskaje žyćcio byŭ dušpastyram rakaŭskaj parafii.
Piešaja pilihrymka z Rakava pad jaho kiraŭnictvam tradycyjna pieršaja ŭvachodziła ŭ Budsłaŭ na fest u honar Maci Božaj Budsłaŭskaj.
Jon byŭ śpiecyjalistam u halinie kananičnaha prava, vykładaŭ hetuju dyscyplinu ŭ duchoŭnaj sieminaryi i na praciahu mnohich hadoŭ byŭ taksama aficyjałam Miždyjacezijalnaha Trybunała (kaściolnaha suda) u Minsku.