Ceny na haz dla Biełarusi da 2025 hoda zamacavali pahadnieńniem
Siońnia ministry enierhietyki Biełarusi i Rasii Viktar Karankievič i Mikałaj Šulhinaŭ padpisali pratakoł ab uniasieńni źmienaŭ u mižuradavaje pahadnieńnie ab paradku farmavańnia cen pry pastaŭcy hazu ŭ Biełaruś i jaho transpartavańni, a taksama pratakoł ab uniasieńni źmien u mižuradavaje pahadnieńnie ab umovach kupli-prodažu akcyj i dalejšaj dziejnaści AAT «Biełtranshaz».
28.02.2023 / 20:18
Padpisanyja dakumienty kančatkova zamacoŭvajuć damoŭlenaści Łukašenki i Pucina, dasiahnutyja 19 śniežnia 2022 hoda, ab zachavańni da 31 śniežnia 2025 hoda ŭmoŭ pastaŭki pryrodnaha hazu z Rasii ŭ Biełaruś na ŭzroŭni 2022 hoda, paviedamiła Minenierha.
Na pačatku minułaha hoda košt hazu dla Biełarusi składaŭ 128 dalaraŭ. Paźniej jaho pieraličyli ŭ rasijskija rubli, adnak nieviadoma, pavodle jakoha kursu.