Prakuratura znajšła «tavary z nacysckaj simvolikaj» u katałozie Wildberries
Pry manitorynhu handlovych anłajn-placovak prakuratura Homielskaha rajona vyjaviła na sajcie kramy Wildberries tavary, jakija ŭtrymlivali nacysckuju simvoliku, paviedamlaje pres-słužba Hienprakuratury.
13.03.2023 / 20:07
U pryvatnaści, ustanoŭlena, što asobnyja pradaŭcy realizoŭvali nalepki, padvieski i šaŭrony z emblemaj «Čornaje Sonca».
«Zhodna z p. 12 dadatku da pastanovy Ministerstva ŭnutranych spraŭ ad 28 kastryčnika 2022 hoda «Ab ustanaŭleńni pieraliku arhanizacyj i inšych struktur, nacysckaj simvoliki i atrybutyki», emblema «Čornaje Sonca» źjaŭlajecca nacysckim simvałam. Heta raznavidnaść «soniečnaha koła», jakoje vykarystoŭvałasia ŭ nacysckaj Hiermanii. Emblema składajecca z 12 radyjalnych run «zih», padobnych da simvałaŭ, što vykarystoŭvalisia ŭ emblemie SS», — rastłumačyli ŭ viedamstvie.
Z ulikam taho, što padobnyja tavary mohuć być realizavanyja niavyznačanamu i nieabmiežavanamu kołu asob i vykarystanyja imi ŭ metach «reabilitacyi nacyzmu», prakuratura zapatrabavała ad internet-kramy Wildberries vyklučyć hetuju pradukcyju z katałoha.