Сакратар Рады нацыянальнай бяспекі і абароны Украіны: Бахмут для нас з'яўляецца ключавым пунктам
Аляксей Данілаў у інтэрв’ю адзначыў, што абарона Бахмута на данецкім напрамку цяпер мае ключавое значэнне, а калі сітуацыя зменіцца, рашэнне будзе прымаць Стаўка вярхоўнага галоўнакамандуючага.
17.03.2023 / 14:01
«Словазлучэнне «ўтрымаць Бахмут» мае чыста ваеннае значэнне. У нас адбылося пасяджэнне Стаўкі вярхоўнага галоўнакамандуючага, і яшчэ раз было пацверджана і галоўнакамандуючым Залужным, і генералам Сырскім, і ўсімі прысутнымі, што Бахмут для нас вельмі важны, ключавы пункт.
Мы разумеем, што гэта кагосьці раздражняе, нехта лічыць, што мы павінны саступіць. Але гэта нашая зямля, і мы не маем права яе не абараняць.
Калі ж нашымі вайскоўцамі будуць прыняты тыя ці іншыя рашэнні, то яны будуць прагавораны ў Стаўцы, тады будзем прымаць тыя ці іншыя меры», — сказаў Данілаў.
Чытайце таксама:
Расіяне прасунуліся пад Бахмутам, але не могуць наступаць у іншых кірунках — брытанская разведка