Učastak u Biełaviežskaj puščy pradali z aŭkcyjonu za 40 tysiač rubloŭ
Niekalki dzion tamu ŭ Breście prajšli tarhi ziamielnymi ŭčastkami, raźmieščanymi ŭ Kamianieckim rajonie. Adzin ź ich znachodzicca na terytoryi Biełaviežskaj puščy. Jak piša «Viečiernij Briest», učastak pradali za 40 tysiač rubloŭ.
25.03.2023 / 16:40
Fota Bresckaha centra kiravańnia nieruchomaściu
Učastak u 19 sotak dla budaŭnictva žyłoha adnakvaternaha doma znachodzicca ŭ vioscy Abramava, za 2 km ad uvachodu ŭ Nacyjanalny park «Biełaviežskaja pušča». Pobač — viekavy les, a zusim niedaloka — valjery, muziej pryrody i kaviarnia.
Pačatkovaja cana łota była zusim nievialikaja — 875 rubloŭ. Ale cikavaść da ŭčastka prajavili adrazu dzieviać čałaviek, u vyniku łot pradali za 40 tys. rubloŭ (kala 14 tys. dalaraŭ).
Čytajcie taksama:
U Čačersku vystavili na tarhi hrafskuju siadzibu
U Sieńnienskim rajonie vystavili na prodaž reštki majontka, u jakim niekali pracavaŭ Janka Kupała