Ź pieratrusam pryjšli da svajakoŭ byłoha kalinoŭca Stralcova
U svajakoŭ aktyvista demakratyčnaha ruchu Alaksandra Stralcova praviali pieratrus. Samoha Alaksandra ŭ krainie niama jašče sa śniežnia 2021 hoda. Siłaviki praviali pieratrus nie tolki ŭ kvatery maci Stralcova, ale navat u viaskovaj chacie jaho ciotki.
01.04.2023 / 15:12
Alaksandr Stralcoŭ
Siłaviki nie rastłumačyli ŭ čym padazrajuć Alaksandra.
Alaksandr Stralcoŭ byŭ aktyŭnym udzielnikam vuličnych akcyj pratestu. Jon nieadnarazova vystupaŭ padčas impravizavanych mitynhaŭ.
U śniežni 2021 hoda Stralcoŭ źjechaŭ va Ukrainu. Z pačatkam vajny zapisaŭsia ŭ terytaryjalnuju abaronu, a potym ustupiŭ u šerahi pałka imia Kalinoŭskaha. Alaksandr paviedamiŭ «Našaj nivie», što paśla taho, jak jon atrymaŭ traŭmu, kamandavańnie pryniało rašeńnie, što jamu lepš źjechać na reabilitacyju ŭ Polšču. Ciapier jon znachodzicca tam.
Sam Alaksandr ličyć, što siłaviki mohuć raspačać suprać jaho kryminalnuju spravu i za ŭdzieł u akcyjach narodnaha pratestu suprać falsifikacyi vynikaŭ prezidenckich vybaraŭ, a taksama i za jaho ŭdzieł u vajskovym farmavańni va Ukrainie.
Pravaabaroncy paviedamlajuć pra pieratrusy i zatrymańni ŭ Dziaržynsku