Гомельская МНС выставіла на продаж пажарную рэтрамашыну Mercedes. Колькі каштуе 50-гадовая спецтэхніка?
На сайце РУП «Белспецкантракт» у продажы з'явіўся рэтрагрузавік, прызначаны для тушэння пажараў.
10.04.2023 / 15:45
Скрыншот з сайта bsk.by
Аўтамабіль 1974 года выпуску. Зыходзячы з інфармацыі ў апісанні, за свае 49 гадоў спецтэхніка праехала без малога 100 тысяч кіламетраў.
Mercedes-Benz служыў у Гомелі, пра гэта сведчаць надпісы на бартах. Мяркуючы па шыльдзе «за рулём курсант» на задняй частцы пажарнай машыны, тэхніка апошнім часам выкарыстоўвалася не для змагання з агнём, а для навучання будучых ратавальнікаў.
Фота: bsk.by, калаж: «Наша Ніва»
За рэтрапажарную машыну Міністэрства надзвычайных сітуацый хоча выручыць не менш за 18 тысяч рублёў (каля 6100 даляраў).
Продажы новых аўтамабіляў у Беларусі абрынуліся на 80% — БАА
«Прадаецца ў сувязі з пераездам». Ці шмат беларусаў прадае машыны з-за эміграцыі?