Homielskaja MNS vystaviła na prodaž pažarnuju retramašynu Mercedes. Kolki kaštuje 50-hadovaja śpiectechnika?
Na sajcie RUP «Biełśpieckantrakt» u prodažy źjaviŭsia retrahruzavik, pryznačany dla tušeńnia pažaraŭ.
10.04.2023 / 15:45
Skrynšot z sajta bsk.by
Aŭtamabil 1974 hoda vypusku. Zychodziačy ź infarmacyi ŭ apisańni, za svaje 49 hadoŭ śpiectechnika prajechała biez małoha 100 tysiač kiłamietraŭ.
Mercedes-Benz słužyŭ u Homieli, pra heta śviedčać nadpisy na bartach. Miarkujučy pa šyldzie «za rulom kursant» na zadniaj častcy pažarnaj mašyny, technika apošnim časam vykarystoŭvałasia nie dla zmahańnia z ahniom, a dla navučańnia budučych ratavalnikaŭ.
Fota: bsk.by, kałaž: «Naša Niva»
Za retrapažarnuju mašynu Ministerstva nadzvyčajnych situacyj choča vyručyć nie mienš za 18 tysiač rubloŭ (kala 6100 dalaraŭ).
Prodažy novych aŭtamabilaŭ u Biełarusi abrynulisia na 80% — BAA
«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?