Pamior ksiondz Ernest Budyn, jaki amal čverć stahodździa słužyŭ u Biełarusi
Supolnaść Kanhrehacyi śviataroŭ Najśviaciejšaha Serca Jezusa ŭ Biełarusi i Kuryja Hrodzienskaj dyjacezii paviedamili, što 14 krasavika ŭ polskim Tuchavie na 88-m hodzie žyćcia pamior ksiondz Ernest Budyn, jaki z 1990 pa 2013 hod słužyŭ na Hrodzienščynie.
15.04.2023 / 18:19
Ksiondz Ernest Budyn. Fota: Sosnowiec.scj.pl
Padčas słužeńnia ŭ Biełarusi śviatar byŭ probaščam parafii śviatoha Stanisłava ŭ Lacku (Ščučynski dekanat), a paźniej — parafii Božaj Miłasernaści ŭ Hrodnie (mikrarajon Višniaviec).
Ksiondz Ernest Budyn naradziŭsia ŭ 1935 hodzie ŭ Polščy. Pieršyja manaskija abiacańni prynios u 1952 hodzie. Niekalki dziesiacihodździaŭ byŭ ekanomam manaskich damoŭ, vikaryjem i probaščam parafij u Polščy.
U 1990 hodzie prybyŭ na pracu ŭ Biełaruś, u 2013 viarnuŭsia ŭ Polšču, dzie staŭ słužyć u Sasnoŭcy Silezskaha vajavodstva.
U Biełarusi śviatuju Imšu za spačyłaha ksiandza Ernesta Budyna praviali 15 krasavika ŭ parafii śviatoha Stanisłava ŭ Lacku.
Pachavańnie śviatara adbudziecca 17 krasavika ŭ parafii ŭ Stadnikach. U 11.30 (pa polskim časie) adbudziecca śviataja Imša, paśla — pachavańnie na miascovych mohiłkach.
Čytajcie taksama: