U Miłanie biełarusa abrabavali i paranili
U Miłanie z 31-hadovaha biełarusa sarvali darahi hadzińnik, a kali jon pasprabavaŭ dać adpor, udaryli koluča-režučym pradmietam u bok. Incydent adbyŭsia 14 krasavika apoŭdni na šmatpaviarchovaj aŭtastajancy niedaloka ad Centralnaha čyhunačnaha vakzała.
17.04.2023 / 22:07
Aŭtamabili italjanskaj palicyi. Fota: facebook.com/questurami
Pavodle źviestak palicyi, naš suajčyńnik pryparkavaŭ mašynu na druhim paviersie parkoŭki, a jak tolki vyjšaŭ, zzadu jaho atakavaŭ nieviadomy, jaki sarvaŭ z ruki hadzińnik Omega koštam blizu 10 tysiač jeŭra, paviedamlaje sajt «Biełaruś i śviet».
Mužčyna pasprabavaŭ adabrać hadzińnik, ale ŭ adkaz atrymaŭ udar koluča-režučaj zbrojaj. Da pryjezdu pravaachoŭnikaŭ napadnik paśpieŭ źbiehčy.
Paciarpiełaha dastavili ŭ balnicu. Ranieńnie jaho akazałasia nie ciažkim, jon uvieś čas zastavaŭsia ŭ śviadomaści. Rabaŭnika šukajuć.
Čytajcie taksama:
U Polščy pačaŭsia sud nad ukraincam, jaki sprabavaŭ zarezać biełarusa
U Vialikabrytanii biełarus zajmaŭsia kibiermachlarstvam i atrymaŭ termin
U Šviejcaryi za šmatlikija kradziažy zatrymali čatyroch chłopcaŭ, siarod ich i biełarus