Žychar Babrujska pajšoŭ łavić ščupaka viłami i ŭlacieŭ na štraf
26 sakavika supracoŭniki Babrujskaj inśpiekcyi achovy žyviolnaha i raślinnaha śvietu pravodzili słužbovy rejd i zaŭvažyli ŭ vadajomie, jaki znachodzicca pamiž vioskami Harochaŭka i Makaraŭka, mužčynu ź viłami. I zrazu zdahadalisia, što toj niajnakš tam brakańjeryć.
19.04.2023 / 22:50
Fota ilustracyjnaje
Kali rajonnyja pryrodaachoŭniki nakiravalisia da mužčyny, to jon kinuŭ viły i pasprabavaŭ uciačy. Adnak jaho dahnali i skłali administracyjny pratakoł pavodle častki 1 artykuła 16.25 KaAP (zdabyča ryby ŭ zabaronieny čas albo zabaronienymi pryładami, a taksama sproba takoj zdabyčy).
«Z 1 sakavika da 15 krasavika dziejničała zabarona na łoŭlu ščupaka ŭ suviazi ź jaho nierastam, — raskazaŭ namieśnik načalnika inśpiekcyi Ihar Ryžyk. — Mužčyna sprabavaŭ łavić mienavita ščupaka. Plus rabiŭ heta pry dapamozie zabaronienaj kolučaj pryłady rybałoŭstva».
Na ščaście mužčyny, złavić takim sposabam nivodnaha ščupaka jon nie zmoh. Kali b udałosia, daviałosia b za kožnuju rybinu płacić pa 9 bazavych vieličyń (288 rub.). A tak jamu 15 krasavika prysudzili štraf u pamiery 10 bazavych vieličyń — 320 rubloŭ.
Parušalnik — babrujčanin 1987 hoda naradžeńnia, rabotnik adnaho z pradpryjemstvaŭ horada. U jaho jość dača niepadalok ad hetaha vadajoma.
Čytajcie taksama:
Uviali siezonnuju zabaronu na łoŭlu sudaka
U Mahilovie masava pamirajuć čajki. Što moža być pryčynaj? Jość niekalki viersij
Na Vilejskim vadaschoviščy rybak złaviŭ 30-kiłahramovaha taŭstałobika. Zmahaŭsia z rybaj 30 chvilin