Nad Bałtyjskim moram pierachapili try rasijskija samaloty

U mižnarodnaj pavietranaj prastory nad Bałtyjskim moram pierachapili try rasijskija vajskovyja samaloty, jakija lacieli bieź sihnałaŭ transpondaraŭ. Pra heta ŭ sieradu paviedamili vajskova-pavietranyja siły Niamieččyny.

26.04.2023 / 12:33

Pavodle paviedamleńnia niamieckich VPS u tvitary, Hiermanija i Vialikabrytanija adpravili źniščalniki Eurofighter dla identyfikacyi dvuch źniščalnikaŭ Su-27 i adnaho samalota Ił-20. VPS apublikavali niekalki fota rasijskich samalotaŭ u palocie.

Aufklärungsflieger abgefangen. und #Eurofighter wurden alarmiert, um 3 Militärmaschinen zu identifizieren. Die zwei SU-27 Flanker und eine IL-20 aus flogen erneut ohne Transpondersignal im int. Luftraum über der Ostsee. #SecuringTheSkies #VAPB @NATO @GermanyNATO… pic.twitter.com/sOY4CPkrbe

— Team Luftwaffe (@Team_Luftwaffe) April 26, 2023

Raniej u hetym miesiacy Hiermanija pieradała Vialikabrytanii adkaznaść za misiju NATA pa patrulavańni pavietranaj prastory Bałtyi.

Sajuźniki pa NATA ŭdzielničajuć u abaronie pavietranaj prastory, pakolki Litva, Łatvija i Estonija nie majuć ułasnych źniščalnikaŭ.

Rasijskija vajskovyja samaloty rehularna latajuć z macierykovaj častki Rasii ŭ Kalininhradskuju vobłaść i nazad, tamu takija pierachopy ŭ rehijonie — davoli zvykłyja.

Hiermanija dazvoliła Polščy pieradać piać samalotaŭ-źniščalnikaŭ Ukrainie

Premjer-ministr Polščy: My siońnia farmirujem karcinu budučaj Jeŭropy

Nashaniva.com