Ułady zabłakavali dostup da vydańnia «Inteks-pres»
Prakuror Bresckaj vobłaści vynies pastanovu ab abmiežavańni dostupu da interniet-resursu intex-press.by. Na minułym tydni sajt i sacsietki baranavickaha vydańnia byli pryznanyja ekstremisckimi.
04.05.2023 / 13:47
Padstavaj dla pryniaćcia rašeńnia stali šmatlikija parušeńni nazvanym resursam Zakona Respubliki Biełaruś «Ab srodkach masavaj infarmacyi», paviedamlaje «Viasna».
Tak, nibyta «na partale nieadnarazova publikavałasia infarmacyja, jakaja jaŭna niehatyŭna charaktaryzavała hramadska-palityčnuju situacyju ŭ krainie paśla zaviaršeńnia vybarčaj kampanii i dyskredytavała dziejnaść dziaržaŭnych i pravaachoŭnych orhanaŭ».
Na minułym tydni sajt i ŭsie sacyjalnyja sietki samaha papularnaha niezaležnaha baranavickaha vydańnia pryznali ekstremisckimi.