Klintan: Z 2011 hoda było jasna, što vajna Rasii suprać Ukrainy — tolki pytańnie času
Były prezident ZŠA Bił Klintan padzialiŭsia svaimi ŭspaminami pra sustreču z Uładzimiram Pucinym u šviejcarskim Davosie ŭ 2011 hodzie. Sa słoŭ Klintana, paśla hutarki z rasijskim prezidentam jamu ŭžo tady stała zrazumieła, što rasijskaja ataka na Ukrainu — tolki pytańnie času, piša Bi-bi-si.
05.05.2023 / 11:53
Bił Klintan. Fota: AP
Jon uspaminaje, što Pucin u zvyčajnaj razmovie kazaŭ rečy, jakija ledzianili dušu.
U pryvatnaści, Pucin daŭ zrazumieć, što nie źbirajecca prytrymlivacca damovy, zaklučanaj jaho papiarednikam Barysam Jelcynym pry pasrednictvie ZŠA, zhodna ź jakoj Rasija abaviazałasia pavažać terytaryjalny suvierenitet Ukrainy ŭ abmien na admovu Kijeva ad svajho jadziernaha arsienała savieckich časoŭ.
«Uładzimir Pucin skazaŭ mnie ŭ 2011 hodzie — za try hady da taho, jak jon zachapiŭ Krym, — što jon nie zhodny z pahadnieńniem, jakoje ja zaklučyŭ z Barysam Jelcynym. Jon skazaŭ: «Ja nie zhodny z hetym, ja heta nie padtrymlivaju i nie liču siabie źviazanym hetaj damovaj». I z taho dnia ja viedaŭ, što heta [vajna suprać Ukrainy] — tolki pytańnie času», — uspaminaje Bił Klintan.
Chiłary Klintan skazała, što kaniec pretenzijam Rasii da Ukrainy pakładzie tolki poŭnaja pieramoha Ukrainy ŭ hetaj vajnie.
«Ja b nie stała daviarać jamu [Pucinu] za stałom pieramovaŭ ni pry jakich abstavinach, kali tolki va ŭkraincaŭ, jakich my padtrymlivajem, nie budzie dastatkova ryčahoŭ uździejańnia», — skazała Chiłary Klintan.
Pad ryčahami ŭździejańnia jana maje na ŭvazie viernutyja ŭkrainskija terytoryi na ŭschodzie Ukrainy, časova akupavanyja Rasijaj.
Čytajcie taksama:
Klintan vykazaŭ škadavańnie, što schiliŭ Kijeŭ da admovy ad jadziernaj zbroi