Na miažy z Rasijaj pierakopvajuć i zavalvajuć drevami prasiołkavyja darohi
Pra toje, što prasiołačnyja darohi na pamiežžy z Rasijaj na terytoryi Mahiloŭskaj vobłaści pačali rabić ciažkapieraadolnymi, paviedamlaje vydańnie «Mahiloŭ.Online».
10.05.2023 / 17:59
Fota ilustracyjnaje
Heta adbyvajecca na fonie ŭviadzieńnia pašpartnaha kantrolu na miažy dla ŭsich hramadzian, jakija prybyvajuć u Biełaruś z Rasii. Taki kantrol pačaŭsia 5 maja, chutka paśla sieryi dyviersij na čyhunačnych šlachach u Branskaj vobłaści.
Šmatlikija ŚMI paviedamlali pra ŭźniknieńnie doŭhich čerhaŭ z aŭtamašyn na rasijskim baku miažy. Ciapier ža, mahčyma, vyrašana pierakryć alternatyŭnyja šlachi praniknieńnia ŭ Biełaruś z terytoryi Rasii.
Prasiołkavymi darohami na pamiežžy pieravažna karystajucca miascovyja žychary, a taksama kantrabandysty.
Viečaram 9 maja stała źjaŭlacca infarmacyja pra čerhi i z advarotnaha boku miažy. Tak, «Fontanka» piša pra čerhi z aŭtamabilaŭ na 4—5 hadzin na trasie ź Viciebska praz prapuskny punkt «Łabok». «Staju bolš za 4 hadziny — paviedamiŭ vydańniu adzin z aŭtamabilistaŭ — napieradzie bačnaja miaža, bieły znak, KPP i za im 100 mietraŭ prykładna. Heta značyć, miarkujučy pa kolkaści mašyn napieradzie, jašče paŭtary-dźvie hadziny stajać».
Čytajcie taksama:
«Takoje pieršy raz baču». Kiroŭcy skardziacca na čerhi na miažy pry vyjeździe ź Biełarusi ŭ Rasiju
Na miažy znoŭ pačali ŭzmocniena nadhladać ludziej. Pryčym nie tolki tych, u kaho 23.34
KDB zajaŭlaje, što praduchiliŭ «adrazu niekalki teraktaŭ» u Biełarusi napiaredadni 9 Maja