Vienhryja damahajecca, kab u sankcyjny śpis nie patrapiŭ kiraŭnik Biełaruskaj čyhunki
Vienhryja damahajecca, kab z budučaha pakieta sankcyj Jeŭrasajuza prybrali troch čałaviek, u tym liku kiraŭnika Biełaruskaj čyhunki Uładzimira Marozava, paviedamlaje «Radyjo Svaboda» na padstavie śviedčańnia svaich krynic u Brusieli.
11.05.2023 / 22:28
Alaksandr Łukašenka z premjeram Vienhryi Viktaram Orbanam padčas vizitu apošniaha ŭ Minsk u červieni 2020 hoda
Akramia taho, vienhierskija ŭłady chacieli b, kab u śpisie padsankcyjnych asob nie było kiraŭnika Tatarstana Rustama Minichanava i namieśnicy ministra abarony Rasii Taćciany Šaŭcovaj.
Raniej mienavita Vienhryja adzinaja ź Jeŭrasajuza nie padtrymała ahučany siońnia dakład ABSIE ab parušeńniach pravoŭ čałavieka ŭ Biełarusi.
U lutym i krasaviku hetaha hoda kiraŭniki MZS Vienhryi i Biełarusi Pieter Sijarta i Siarhiej Alejnik abmianialisia vizitami. Heta adzinyja mižnarodnyja kantakty takoha ŭzroŭniu paśla 2020 hoda, ździejśnienyja biełaruskim režymam z krainaj Jeŭrasajuza.
Čytajcie taksama:
Vienhryja łabiruje intaresy Biełarusi ŭ ES — pasoł Biełarusi ŭ Vienhryi
Alejnik zajaviŭ u Vienhryi, što ličyć vinavatymi ŭ vajnie «ZŠA i ich satelitaŭ»