Vialikabrytanija daść Ukrainie ŭdarnyja bieśpiłotniki vialikaj dalokaści
Vialikabrytanija nakiruje va Ukrainu bolš za 200 udarnych bieśpiłotnikaŭ z radyusam dziejańnia bolš za 200 kiłamietraŭ, piša The Guardian sa spasyłkaj na ŭrad.
15.05.2023 / 11:00
Siońnia ŭ Łondanie Uładzimir Zialenski sustreniecca z premjeram Brytanii Ryšy Sunakam. Fota: Peter Nicholls / Pool via AP
«Siońnia premjer-ministr paćvierdzić pastaŭku Vialikabrytanijaj sotniaŭ rakiet SPA i dadatkovych bieśpiłotnych avijacyjnych sistem, uklučajučy sotni novych udarnych bieśpiłotnikaŭ vialikaj dalokaści z radyusam dziejańnia bolš za 200 km», — havorycca ŭ zajavie brytanskich uładaŭ.
Udakładniajecca, što «ŭsio heta budzie dastaŭlena ŭ najbližejšyja miesiacy».
Taksama stała viadoma, što Brytanija letam pačnie navučańnie ŭkrainskich piłotaŭ, a taksama pracuje ź inšymi krainami nad mahčymaj adpraŭkaj F-16 Ukrainie.
Siońnia ŭ Łondanie Uładzimir Zialenski sustrakajecca z premjeram Brytanii Ryšy Sunakam.
Na minułym tydni stała viadoma, što Vialikabrytanija pastaviła Ukrainie rakiety dalokaściu 250 km, i heta mianiaje situacyju na poli boju.
Čytajcie taksama:
Zialenski vieryć u pieramohu Ukrainy da vybaraŭ u ZŠA 2024 hoda