Fiestyval «Paŭnočnaje źziańnie» projdzie ŭ listapadzie
9-y raz fiestyval kino Paŭnočnych i Bałtyjskich krain «Paŭnočnaje źziańnie» projdzie ŭ hetym hodzie z 13 pa 26 listapada. Jon znoŭ adbudziecca ŭ hibrydnym farmacie: online dla ŭsich i offline ŭ niekalkich krainach śvietu. Hałoŭnaja tema «Źziańnia-2023» pakul zastajecca zahadkaj.
16.05.2023 / 01:10
Niahledziačy na represii i niemahčymaść ładzić kinafiestyval na radzimie, «Paŭnočnaje źziańnie» ni razu nie pierastavała źziać dla biełarusaŭ i biełarusak i stała dla mnohich štohadovaj tradycyjaj. Dziaviaty hod zapar kamanda festu źbiraje i pakazvaje hledačam unikalnyja filmy, stvoranyja ŭ krainach Skandynavii, Bałtyi i Biełarusi.
U 2022 hodzie kinafiestyval častkova viarnuŭsia ŭ afłajn i sabraŭ poŭnyja zały ŭ Talinie i Vilni, a achvotnych hladzieć filmy festu online nabrałasia bolš za 2 tysiačy čałaviek. Taksama letaś «Paŭnočnaje źziańnie» demanstravała śpiecyjalnuju prahramu «Ukraine mon amour», u jakuju ŭvajšli filmy, zroblenyja ŭ supracoŭnictvie pamiž Ukrainaj i Nardyčnymi i Bałtyjskimi krainami. Takim čynam kamanda fiestyvalu padtrymała śmiełuju baraćbu Ukrainy za svabodu i suprać rasijskaj ahresii.
U 2023 hodzie «Źziańnie» znoŭ rychtuje dla svaich hledačoŭ jaskravuju kinaprahramu i pracuje nad stvareńniem biaśpiečnaj i dastupnaj prastory ŭ online i offline ŭ Talinie, Vilni i Stakholmie.
Adnak na praciahu niekalkich hadoŭ kinafest «Paŭnočnaje źziańnie» isnuje «nasupierak». I papraŭdzie maje patrebu ŭ padtrymcy svaich hledačoŭ i hladačak. Kab u listapadzie vy znoŭ zmahli adkryć dla siabie novyja filmy, pasłuchać zajmalnyja dyskusii pra kino i žyćcio — padtrymajcie dziejnaść festu danatam.
Sačycie za navinami «Paŭnočnaha źziańnia» ŭ sacyjalnych sietkach Instagram, Telegram, FB, kab nie prapuścić anivodnaha cikavaha momantu, i zachavajcie daty z 13 pa 26 listapada 2023 hoda ŭ svaim kalendary!
Čytajcie taksama:
1 maja na płatformie Vodblisk źjaviacca filmy Darji Žuk
Biełaruski režysior staŭ siabram Jeŭrapiejskaj kinaakademii
Adrazu dva biełarusy ŭvajšli ŭ žury prestyžnaj kinapremii «Załaty hłobus»