Pientahon paličyŭ košt vajskovaj dapamohi Ukrainie. Jaje pieraacanili na 3 miljardy
Heta značyć, što možna pastavić jašče.
19.05.2023 / 14:18
Uładzimir Zialenski i Džo Bajden u Kijevie, 20 lutaha 2023 hoda. Fota: Ukrainian Presidential Press Office via AP
Pra heta raspaviali Reuters krynicy ŭ Pientahonie i Sienacie ZŠA, piša Meduza.io.
Pa słovach surazmoŭca ź Minabarony ZŠA, razychodžańnie paŭstała z-za taho, što dla acenki vykarystoŭvaŭsia košt novych uzbrajeńniaŭ, tady jak Ukrainie byli pieradadzieny zapasy, jakija byli zakupleny niekatory čas tamu, i ich košt nižejšy, jak minimum z ulikam amartyzacyi.
Nie vyklučana, što pry dalejšaj praviercy košt pieradadzienych Ukrainie ŭzbrajeńniaŭ moža akazacca jašče mienšym. Jak adznačaje ahienctva, pieraacenka tearetyčna daje mahčymaść uładam ZŠA adpravić va Ukrainu dadatkovuju vajskovuju dapamohu.
Adnak, adznačaje vydańnie, pakul nieviadoma, ci pryviadzie pieraacenka da taho, što Ukraina zmoža atrymać bolš amierykanskich uzbrajeńniaŭ.