«Zabiarycie svaich ludziej z Ukrainy, Kreml užo prajhraŭ» — Reźnikaŭ źviarnuŭsia pa-baškirsku da baškiraŭ
Ministr abarony Ukrainy Alaksiej Reźnikaŭ źviarnuŭsia da baškiraŭ z zaklikam nie ŭdzielničać u vajnie suprać Ukrainy, bo mienavita Baškartastan źjaŭlajecca adnym ź lidaraŭ u stratach RF na ŭkrainskaj ziamli.
23.05.2023 / 15:43
Alaksiej Reźnikaŭ. Fota AP
Ministr patłumačyŭ svoj zvarot tym, što kali prachodziŭ słužbu ŭ armii, to adnym ź jaho najlepšych tavaryšaŭ byŭ baškir, i tym, što ciapier «tysiačy mužčyn z Baškiryi zahinuli abo stali kalekami» na vajnie suprać Ukrainy.
Pa słovach ministra, siońniašniaja ŭłada Ufy, «kłapočučysia pra asabistuju vyhadu i pracujučy ŭ intaresach Kramla, navypieradki adpraŭlaje svaich ludziej na śmierć».
«Zabiarycie svaich ludziej z Ukrainy. Addajcie nam vajennych złačyncaŭ. I tady my staniem sajuźnikami ŭ spravie pabudovy lepšaj budučyni dla našych narodaŭ. Kreml užo prajhraŭ hetuju vajnu. Sumiesna my prymusim jaho admovicca ad impierskich ambicyj. Čym raniej heta adbudziecca — tym bolš žyćciaŭ atrymajecca vyratavać. I tym raniej atrymajecca stać na šlach stvareńnia».
Častku zvarotu Reźnikaŭ napisaŭ na baškirskaj movie.
Čytajcie taksama:
Ukrainskaje kiraŭnictva aścierahajecca, što kontrnastupleńnie moža nie apraŭdać nadziej partnioraŭ
Ministr abarony Ukrainy dapuściŭ, što Rasija rychtuje novy žest «dobraj voli»