Палітвязня Уладзіміра Гундара раптоўна этапавалі ў калонію
Як стала вядома «Брэсцкай вясне», 7 чэрвеня, адразу пасля апеляцыі на апошні прысуд, баранавіцкага палітвязня этапавалі ў бабруйскую калонію. Праз гэта жонка не паспела атрымаць спатканне з ім у турме.
09.06.2023 / 16:48
6 чэрвеня суд сказаў на запыт жонкі Гундара адносна спаткання, каб жанчына патэлефанавала 9 чэрвеня, і тады яна атрымае дазвол на спатканне.
Палітзняволены Уладзімір Гундар — фігурант «справы Аўтуховіча» — быў асуджаны на 20 гадоў калоніі ва ўмовах узмоцненага рэжыму па чатырох артыкулах Крымінальнага кодэкса. Пасля разгляду апеляцыйнай скаргі 6 чэрвеня суд пакінуў прысуд без змен.
Чытайце таксама:
Катаванне Уладзіміра Гундара працягваецца. Яго зноў змясцілі ў карцар