Džaścin Trudo prybyŭ ź nieabvieščanym vizitam u Kijeŭ
Premjer-ministr Kanady znachodzicca va Ukrainie razam ź vice-premjer-ministram Chryściaj Fryłand, jakaja maje ŭkrainskaje pachodžańnie.
10.06.2023 / 13:56
Fota: Valentyn Ogirenko / Pool via AP
Premjer-ministr Kanady Džaścin Trudo prybyŭ ź niečakanym vizitam u Kijeŭ u subotu, piša «Jeŭrapiejskaja praŭda».
Premjer znachodzicca va Ukrainie razam ź vice-premjer-ministram Chryściaj Fryłand, jakaja maje ŭkrainskaje pachodžańnie.
Vizit Trudo nie byŭ abvieščany zahadzia, jak i bolšaść vizitaŭ zachodnich uradavych čynoŭnikaŭ, zychodziačy ź mierkavańniaŭ biaśpieki.
U Kijevie lidar Kanady pačaŭ vizit z udziełu va ŭskładańni viankoŭ da Ściany pamiaci, pryśviečanaj zahinułym u rasijska-ŭkrainskaj vajnie.
Heta ŭžo druhi vizit Trudo va Ukrainu z momantu pačatku šyrokamaštabnaha ŭvarvańnia Rasii ŭ lutym 2022 hoda. Apošni raz Trudo naviedvaŭ Ukrainu ŭ mai 2022 hoda.