U Minsku znosiać pratestanckuju carkvu «Novaje žyćcio»
Historyja supraćstajańnia ŭładaŭ i carkvy ciahniecca z 2005 hoda: mienavita tady horad vyrašyŭ vysielić «Novaje žyćcio» z budynka ŭ Sucharavie, adramantavanaha jašče ŭ 1992 hodzie na miescy karoŭnika.
20.06.2023 / 11:47
Pra heta paviedamlaje «Chryścijanskaja vizija».
Pavodle źmien, što byli ŭniesienyja ŭ prajekt detalovaha płanavańnia Sucharava, uchvalenaha ŭ 2019 hodzie, na miescy carkvy pavinna vyraści škoła.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda.
Varta adznačyć, što ŭ 2020-m pastar «Novaha žyćcia» rezka asudziŭ biezzakońnie i źvierstvy.
17 lutaha 2021 hoda sudovyja vykanaŭcy ŭvajšli ŭ carkvu ŭ supravadžeńni milicyi, apisali majomaść. U budynku ŭ toj čas išła malitva. Prychadžanie, kab paźbiehnuć aryštaŭ, vymušanyja byli pakinuć carkvu.
Vierniki doŭhi čas malilisia pobač z carkvoj.