Biełarus zrabiŭ samy chutki dyzielny BMW
Hienadź Šelest ź Biełarusi madyfikavaŭ kłasičnuju «piaciorku» BMW u kuzavie Je34. Dy tak, što heta ciapier samaja chutkaja dyzielnaja mašyna ŭ Biełarusi, piša «Hancavicki čas».
20.06.2023 / 16:09
Samy chutki dyzielny BMW
Aŭtamabil 1990 hoda vypusku ŭ svaje časy vyklikaŭ trymcieńnie, ale ciapier takich zastałosia mała. Hienadź daŭ jamu novaje žyćcio i navat pieramoh u honkach.
Dziŭna, ale mužčyna zmoh zapchnuć u staroje aŭto ruchavik ad BMW 2009 hoda vypusku, i ciapier heta samy chutki BMW u Biełarusi z dyzielaŭ u kuzavie Je34. Heta adziny ŭ śviecie taki prajekt.
U BMW E34 mator ad Je60
«Sabraŭ jaje ŭ 2020 hodzie, i potym jana jašče dapracoŭvałasia. Heta całkam maja pabudova, maimi rukami sabranaja. Dla mianie heta byŭ dyziel. Ź bienzinavaj možna było b źniać i bolš koniej, i jašče chutčej pajechać. Ale cikava było zrabić mienavita dyzielnuju «rakietu». Ličycca ž, što dyzieli — heta traktar, na im treba niešta ciahać, a nie na honkach jeździć», — raspavioŭ Hienadź.
Tak i było. Hienadź udzielničaŭ na joj u čempijanacie Biełarusi pa drah-rejsinhu ŭ 2021 hodzie. Zaniaŭ pieršaje miesca ŭ svaim kłasie ŭ zajeździe na 402 mietry.
BMW Hienadzia pieramahła ŭ zajeździe
Nakolki chutka jana paskarajecca?
Byli zrobleny zamiery, zhodna ź jakimi da sotni kiłamietraŭ za hadzinu jana razhaniajecca za 4,48 siekundy. Dystancyju 402 mietry jedzie za 12,3 siekundy.
Vyniki vymiareńnia chutkaści
Dzivosny vynik dla mašyny 1990 hoda. Takich danych u tyja časy nie mieła navat M5 («zaradžanaja» viersija piaciorki BMW). Mator zmoh vydać 400 konskich sił pry 800 kruciačaha momantu.
Hienadź — samavuk. Krucić mašyny i dapracoŭvać ich — jaho lubimaje chobi. Jon kaža, što aŭtamabil pryviedzieny da vydatnaha stanu:
«Hetaja 34-ka nie korč, mašyna jak z zavoda. Usio zroblena maksimalna pryhoža. Pad kapotam mator staić, jak zavodski. Kali chto nie viedaje, to i nie adroźnić, što jon z mašyny na 18 hadoŭ maładziejšaj», — kaža Hienadź.
Hetaja kłasičnaja BMW i ciapier vyhladaje šykoŭna
Raschod, mabyć, kaśmičny?
Vy nie pavierycie, ale raschod całkam adekvatny, kali nie rvać ź miesca na śviatłafory da sotni. Hienadź Šelest rastłumačyŭ, što mašyna całkam padychodzić dla štodzionnaha kiravańnia, a nie tolki dla honak.
«Rabiŭ mašynu, kab jana kiravałasia, kab na joj možna było jeździć kožny dzień. I kab z adekvatnym raschodam. Siem litraŭ na sotniu pa trasie jana biare. A pa horadzie, kali nie tapić, to da 10. Raschod jak pa zavodzie ŭ Je60. Heta i łahična, tamu što ŭsia mahutnaść u nas na vialikaj turbinie, a jezdavyja abaroty ŭ pryncypie nie mianialisia. Tamu i nie žare bolš na nievialikich abarotach».
I kolki heta kaštavała?
Ciapier Hienadź pradaje jaje za 15 500 dalaraŭ. A kolki ŭkłaŭ za ŭvieś čas?
«Kab damahčysia takoha vyniku, układziena tudy było tysiač z 27 dalaraŭ prykładna. Tam ža nie prosta zvyčajnaja mašyna. Heta pa fakcie M5 z matoram ad Je60. Tam stajać tarmazy z M5 — samaj chutkaj mašyny ŭ siedanie ŭ 1990-ja hady. Sałon uvieś ad M5 Je34, padvieska ŭsia. Tam šmat ad M5. Moh i mator ad M5 pastavić, ale ŭ hetym niama sensu, jon nie jedzie, jak mnie treba».
Hetaja BMW nie była takoj chutkaj navat u 1990-ja
Jakija płany dalej?
Dziŭna, ale robiačy taki ŭnikalny prajekt, možna skazać, adziny ŭ śviecie, u jutubie ničoha pra jaho niama. Hienadź kaža, što tolki ciapier zadumvajecca pra jutub-kanał, i, mahčyma, na im my ŭbačym inšyja jahonyja madernizavanyja aŭto.
«Mnie ŭsie ludzi kazali, što takija krutyja prajekty robiš, davaj zdymać u jutub. Usio nijak nie atrymlivałasia. Ale siońnia dumajem pra heta ŭ pierśpiektyvie. My ŭžo zakančvajem inšuju BMV na 450 konskich sił i chočam pabudavać samy chutki dyzielny UAZ Patryjot na takim matory».
Inšy BMW, praca nad jakim zakančvajecca, heta 3-ja sieryja ŭ kuzavie E46/5, ale tudy ŭdałosia «zapchnuć» 450 konskich sił.
Hetuju «trojku» BMV ciapier dapracoŭvajuć
Čytajcie taksama: