Hałymžanu Bakiravu z Dobruša dali paŭtara hoda kałonii za pratesty
U sudzie Dobrušskaha rajona 20 krasavika asudzili miascovaha žychara Hałymžana Bakirava pavodle č. 1 art. 342 («Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich») Kryminalnaha kodeksa. Sudździa Śviatłana Łukjanava pryznačyła Hałymžanu adzin hod i šeść miesiacaŭ pazbaŭleńnia voli ŭ kałonii va ŭmovach ahulnaha režymu, jak piša «Viasna».
22.06.2023 / 19:27
Dobrušskaja papiarovaja fabryka «Hieroj pracy». Fota: newsgomel.by
Pasiadžeńnie było vyjaznoje i prachodziła ŭ pamiaškańni kamunalnaha ŭnitarnaha pradpryjemstva Dobruša.
Mužčynu abvinavacili ŭ tym, što jon u adnym z telehram-čataŭ pakidaŭ paviedamleńni z zaklikami ŭdzielničać u pratesnych akcyjach, a taksama dasyłaŭ u čat «roznyja naviny i infarmacyju destruktyŭnaj skiravanaści».
Na sudzie jon paviedamiŭ, što sam dvojčy ŭdzielničaŭ u akcyjach pratestu. Mužčyna całkam pryznaŭ vinu i «raskajaŭsia» ŭ ździejśnienym.
Hałymžan Bakiraŭ maje siaredniuju adukacyju, jon pracavaŭ na Dobrušskaj papiarovaj fabrycy.
Čytajcie taksama:
Palitviaźnia Uładzimira Bułaŭskaha etapavali ŭ babrujskuju kałoniju
Na volu vyjšli dva palitviaźni, asudžanyja pa «spravie karahodaŭ»