U Rasii zabłakavali resursy, źviazanyja ź Jaŭhienam Pryhožynym
Raskamnahlad zabłakavaŭ źviazanyja ź Jaŭhienam Pryhožynym vydańni RIA FAN, «Politika siehodnia», «Ekonomika siehodnia», «Nievskije novosti» i «Narodnyje novosti», jak paviedamlaje «Kommiersant'».
30.06.2023 / 18:42
Jaŭhien Pryhožyn. Fota: Getty Images
Adrasy ŭsich partałaŭ paznačanyja ŭ rejestry zabaronienych sajtaŭ Raskamnahladu.
Tam adznačajecca, što dostup da hetych resursaŭ abmiažoŭvajecca, adnak pryčyny błakavańnia nie ŭdakładniajucca.
Taksama ciapier na terytoryi Rasii niedastupny sajt miedyjahrupy «Patryjot», jakaja abjadnoŭvaje ŭsie padkantrolnyja Jaŭhienu Pryhožynu vydańni. Adnak partała samoj miedyjahrupy ŭ rejestry zabaronienych sajtaŭ na hety momant niama.
A ŭčora, 29 červienia, abviaściła ab zakryćci i źviazanaja z Pryhožynym sacyjalnaja sietka JaRus. U telehram-kanale sacyjalnaj sietki paznačana, što pastanova ab «prypynieńni pracy» servisu była pryniataja «paśla starannaha analizu aktualnaj situacyi».
Čytajcie taksama:
FSB daručyli zabić Pryhožyna — Budanaŭ
Eks-kiraŭnik CRU paraiŭ Pryhožynu nie padychodzić da niezaviešanych voknaŭ u Biełarusi
«Čałaviek, padobny da Pryhožyna», palacieŭ z centra Pieciarburha na nievypadkovym viertalocie