Ihara Hirkina aryštavali da 18 vieraśnia
Sudździa Miaščanskaha suda Maskvy zadavoliła chadajnictva śledčaha i adpraviła byłoha ministra abarony «DNR» Ihara Hirkina (Strałkova) u SIZA da 18 vieraśnia. Pa kryminalnaj spravie jamu pahražaje da piaci hadoŭ źniavoleńnia.
21.07.2023 / 19:28
Ihar Hirkin u zale suda
Na pasiadžeńni śledčy FSB raskazaŭ, što spravu pavodle artykuła ab publičnych zaklikach da ekstremisckaj dziejnaści ŭ internecie raspačali 18 lipienia.
Advakat Hirkina Alaksandr Mołachaŭ udakładniŭ, što padstavaj stali dva pasty ŭ telehram-kanale Hirkina ad 25 maja, u jakich havaryłasia pra padrychtoŭku da zdačy Kryma i pra toje, što siemjam mabilizavanych sałdat 105 i 107 desantnych pałkoŭ nie płaciać hrošaj.
Nasamreč bolš vierahodna, što sapraŭdnaj pryčynaj dla kryminalnaha pieraśledu Hirkina stali niadaŭnija jahonyja publikacyi, u jakich jon niepasredna začapiŭ Uładzimira Pucina, u tym liku i jahonaje asabistaje žyćcio.
Čytajcie taksama:
U Rasii zatrymali błohiera i byłoha ministra abarony «DNR» Ihara Strałkova (Hirkina) — RBK