Navukoŭca Juryja Adamava asudzili da troch hadoŭ kałonii za danaty
Taki prysud vyniesieny 24 lipienia ŭ Minskim haradskim sudzie. Spravu razhladzieła sudździa Dzina Kučuk, piša «Viasna».
25.07.2023 / 10:40
Juryj Adamaŭ. Fota z sacsietak
Palitviaźnia pryznali vinavatym pavodle art. 361-2 KK (finansavańnie ekstremisckaj dziejnaści). Bok abvinavačańnia padtrymaŭ prakuror Raman Biziuk.
Pavodle praŭładnych ŚMI, jon byŭ zatrymany za 24 achviaravańni «BySol» i «ByHelp» na 1590 dalaraŭ.
Juryj — udzielnik biełaruskaj supolnaści za svabodnaje prahramnaje zabieśpiačeńnie, a taksama sustvaralnik navukova-papularnaha samvydata «Pamylka». Jon vučyŭsia tearetyčnaj fizicy ŭ BDU, paśla atrymaŭ PhD va ŭniviersitecie Uoryku (Anhlija) u kirunku «fizika kandensavanych stanaŭ». Jon rabiŭ Postdoctoral-daśledavańni ŭ ZŠA.