Viesieła, ale biez šancaŭ. BATE prajhraŭ «Arysu» ź likam 2:6
Siońnia na Kipry prajšoŭ pieršy matč druhoha kvalifikacyjnaha raŭnda futbolnaj Lihi čempijonaŭ. BATE prajhraŭ limasolskamu «Arysu» ź likam 2:6.
26.07.2023 / 21:56
Skrynšot videa z radasnymi hulcami kiprskaha kłuba
Paśla pieršaha tajma barysaŭski kłub sastupaŭ 0:3. U druhim tajmie kamandy abmieńvalisia hałami, dahnali da 2:5, a potym «Arys» pastaviŭ tłustuju kropku ź pienalci — 2:6.
Matč u adkaz — praz tydzień u Vienhryi.
Pieramožca dvuboju zhulaje ŭ trecim kvalifikacyjnym raŭndzie Lihi čempijonaŭ ź pieramožcam pary «Rakaŭ» (Polšča) — «Karabach» (Azierbajdžan).
Kamanda, što prajhraje (a heta ź vielmi vialikaj dolaj imaviernaści budzie BATE), u trecim kvalifikacyjnym raŭndzie Lihi Jeŭropy zhulaje ź nieščaśliŭcam pary «Šeryf» (Ciraspal) — «Makabi» (Chajfa). Siońnia «Šeryf» pieramoh «Makabi» ź likam 1:0.
Čytajcie taksama: