Vahnieraŭcy pačali treniravać u Biełarusi padraździaleńni miechanizavanych bryhad — Minabarony
Padraździaleńni miechanizavanych bryhad pačali sumiesnyja zaniatki ź instruktarami PVK «Vahnier», jak paviedamiła pres-słužba Minabarony. Pa źviestkach viedamstva, pravodziacca treniroŭki pa zładžvańni adździaleńniaŭ, uzvodaŭ, rot z ulikam dośviedu «śpiecyjalistaŭ PVK».
30.07.2023 / 21:42
Zaniatki biełaruskich vajskoŭcaŭ z vahnieraŭcami. Fota: Minabarony
«Upor robicca na viadzieńnie bajavych dziejańniaŭ u sučasnych umovach, adpracoŭvajucca elemienty aktyŭnaj abarony, a taksama pytańni zabieśpiačeńnia žyvučaści na poli boju z ulikam aktyŭnaha prymianieńnia bieśpiłotnaj avijacyi», — havorycca ŭ paviedamleńni Minabarony.
Raniej, 14 lipienia, stała viadoma, što pad Asipovičami prachodziać treniroŭki vajennaabaviazanych z Salihorska, jakija ŭvachodziać u terytaryjalnuju abaronu. Instruktarami tam vystupili najmity z PVK «Vahnier». Uvohule ž u krainu, pavodle nazirańniaŭ, prybyło ŭžo 13 kałon vahnieraŭcaŭ.
Čytajcie taksama:
Polski premjer: 100 vahnieraŭcaŭ pieramiaścilisia ŭ bok Suvałkskaha kalidora
Vahnieraŭcy praciahvajuć navučać biełaruskich sałdat. Hetym razam ahniavoj padrychtoŭcy