Byłoha hałoŭnaha lekara biełaruskich sanatoryjaŭ u Druskienikach i Sočy buduć sudzić za «špijanaž»
Byłoha hałoŭnaha lekara biełaruskich sanatoryjaŭ u litoŭskich Druskienikach i rasijskim Sočy Andreja Kobiela pačnuć sudzić 16 žniŭnia ŭ Minskim haradskim sudzie, zaŭvažyŭ Reform.by. Sud budzie prachodzić u zakrytym režymie.
31.07.2023 / 22:48
Andrej Kobiel. Skrynšot efiru «Biełaruś 1»
Kobiela abvinavačvajuć pavodle artykuła «Zdrada dziaržavie», jak paznačana ŭ raskładzie suda.
Andrej Kobiel pracavaŭ hałoŭnym lekaram u sanatoryi «Biełaruś» u Druskienikach, a paśla — na toj ža pasadzie ŭ sanatoryi ŭ Sočy. Paźniej kiravaŭ adździełam RNPC u Minsku.
Pra Kobiela raskazvali na dziaržtelebačańni ŭ śniežni minułaha hoda. Pavodle aficyjnaj viersii, jaho nibyta zavierbavali litoŭskija śpiecsłužby pad pahrozaj šantažu. Ad lekara, jak śćviardžałasia, patrabavałasia źbirać i pieradavać źviestki pra tych, chto adpačyvaje ŭ sanatoryjach, a taksama źviestki pra rezidencyju Alaksandra Łukašenki ŭ Sočy, jakaja znachodzicca na terytoryi sanatoryja. Taksama śćviardžałasia, što jon uładkoŭvaŭ na pracu supracoŭnikaŭ na patrabavańnie Departamienta dziaržbiaśpieki Litvy.
Čytajcie taksama:
U Polščy za 14 miesiacaŭ zatrymanyja 22 špijony ź Biełarusi i Rasii
Prarasijskich biełarusaŭ, zatrymanych u Polščy, padazrajuć u namiery padryvać ciahniki
Čarhovaha palaka buduć sudzić za «ahienturnuju dziejnaść» i «špijanaž» — pravaabaroncy