U PVK «Vahnier» nazvali kolkaść bajcoŭ u Biełarusi
Ličbu ahučyŭ nabližany da Jaŭhiena Pryhožyna telehram-kanał Grey Zone.
07.08.2023 / 15:21
Vahnieraŭcy ŭ Biełarusi ŭ tym liku trenirujuć biełaruskich vajskoŭcaŭ. Fota: Minabarony, VajenTB via AP
«Kala 12 000 bajcoŭ znachodzicca ŭ adpačynku, bo była praviedziena hranična ciažkaja praca. Mnohija ź ich nie byli ŭ im bolš za hod, a niekatoryja i zusim biez adpačynku prylacieli viasnoj 2022 hoda naŭprost sa svaich kamandzirovak u Afrycy, paśla čaho praciahnuli vajavać užo ŭ ramkach bajavych dziejańniaŭ va Ukrainie.
Što tyčycca Afryki, to navat z ulikam niadaŭnich ratacyj asabovaha składu, tudy dadatkova pierakinuta kala 1 500 bajcoŭ», — paviedamiŭ telehram-kanał.
«I, viadoma, u novym punkcie časovaj dysłakacyi na terytoryi Biełarusi ciapier znachodzicca kala 7 000 bajcoŭ hrupy «Vahnier», — raskazaŭ Grey Zone.
Raniej premjer Polščy Matevuš Maraviecki acaniŭ kolkaść vahnieraŭcaŭ u Biełarusi ŭ čatyry tysiačy čałaviek, a ŭkrainskaja raźviedka — u piać tysiač.