Polšča choča adpravić na miažu ź Biełaruśsiu jašče tysiaču sałdat
Polskaja Pamiežnaja słužba paprasiła Minabarony krainy adpravić na miažu ź Biełaruśsiu jašče tysiaču žaŭnieraŭ. Pra heta paviedamlaje telekanał Polsat sa spasyłkaj na namieśnika ministra ŭnutranych spraŭ krainy Macieja Vonsika.
07.08.2023 / 16:10
Fota: Twitter / MON / kpr Sławomir Kozioł
Maciej Vonsik na pres-kanfierencyi 7 žniŭnia adznačyŭ, što na miažy narastaje ahresija suprać aficeraŭ polskaj Pamiežnaj słužby z boku mihrantaŭ, jakija sprabujuć niezakonna prarvacca ŭ Jeŭrasajuz z boku Biełarusi.
«Treba skazać, što ŭvieś hety praces, biez vyklučeńnia, arhanizavany biełaruskimi pamiežnikami… Źmianiajecca charaktar hetych parušeńniaŭ, usio bolš ahresii ŭ bok polskich žaŭnieraŭ, słužboŭcaŭ pamiežnaj achovy, palicyjantaŭ. Pastajanna laciać butelki, kamiani, haliny», — skazaŭ Vonsik.
Namieśnik ministra abvinavaciŭ biełaruski bok u paškodžańni pamiežnaha płota z vykarystańniem roznych instrumientaŭ. U vyniku adnaho z takich incydentaŭ miažu parušyli 93 mihranty, 88 ź jakich byli zatrymanyja.
Načalnik pamiežnaj achovy Polščy hienierał Tomaš Praha dadaŭ, što sioleta ŭžo zafiksavana 19 tysiač sprob parušeńnia miažy. Za ŭvieś 2022 hod ich było mienš za 16 tysiač.
Hienierał padkreśliŭ, što mihrantaŭ na miažu pryvoziać kožny dzień.
Čytajcie taksama:
Minabarony abviaściła pra vučeńni niepadalok ad Hrodna
Polskija pamiežniki zajavili pra šmatlikija napady na ich ź Biełarusi
Na biełaruska-polskaj miažy paranieny pamiežnik
Nielehalnych mihrantaŭ na polska-biełaruskaj miažy stanovicca bolej, ich taktyka mianiajecca